 |
|
|
Matrícula 2004/2005
PRAZO DE MATRÍCULA
A matrícula realizarase durante o mes de xuño e os 15 primeiros días do mes de setembro nas secretarías do Centro Público de E.P.A. de Lugo.
No caso de que o número de solicitudes supere ó número de prazas ofertadas, haberá un proceso de selección.
¿ONDE OBTER INFORMACIÓN SOBRE A MATRÍCULA?
- No Centro Público de E.P.A. de Lugo
- Na Inspección de Educación.
- Se estás escolarizado nun IES, fala co orientador/a
DESTINATARIOS
Con carácter xeral, os Programas de Garantía Social están destinados a rapaces e rapazas:
• Que sexan menores de 21 anos e maiores de 16, ou que cumpran os 16 anos no ano natural no que inician o programa.
• Que non alcanzaran os obxectivos da Educación Secundaria Obrigatoria nin posúan ningunha titulación de formación profesional.
Así, poderán acceder a estes programas os rapaces e rapazas que, xunto cos requisitos de idade, cumpran algunha das seguintes condicións:
• Estar escolarizados no segundo ciclo de Educación Secundaria Obrigatoria e que non lles fose posible acceder a un programa de diversificación curricular, atopándose, a xuízo do equipo educativo, en grave risco de abandono escolar.
• Estar escolarizados no segundo ciclo de Educación Secundaria Obrigatoria e, logo de realizar un programa de diversificación curricular, a xuízo do equipo educativo, non estar en condicións de acada-los obxectivos da etapa por esta vía.
• Non estar escolarizados e non posuír ningunha titulación académica superior á de Graduado Escolar ou, tendo esa titulación, non estar en posesión do título de Formación Profesional de primeiro grao.
¿QUE DOCUMENTACIÓN TEÑO QUE PRESENTAR?
- 2 Fotos tamaño carné
- Impreso da solicitude e formulario de recollida de datos
- Certificado de estudios
- Solicitar a tarxeta de demandante de emprego e presentala antes do 15 de setembro
|
|
|
Consultar horarios